Federata italiane nuk i ka toleruar klubet me borxhe të mëdha dhe për këtë arsye, dy prej tyre janë përjashtuar nga kampionatet.
Kështu Chievo nuk do të marrë pjesë në Serie B, për shkak të borxheve të mëdha që disponon. Klubi ka bërë një kërkesë për t’u pranuar në kampionat, me situatën aktuale, por kjo nuk është pranuar nga drejtuesit e Federatës, të cilët nuk kanë ndërmend të bëjnë tolerime.
Të njëjtin fat ka pasur edhe Novara, e cila për të njëjtën arsye është përjashtuar nga Serie C. As këtyre nuk iu është pranuar kërkesa për falje. Sipas asaj që raportojnë mediat italiane, të dy këto klube po mendojnë falimentimin, pasi shihet si zgjidhja e vetme në këtë situatë ku ndodhen.
