Policia britanike ka arrestuar 5 persona pas “shpërthimit” të tifozëve anglez në sharje raciste ndaj futbollistëve të kombëtares gjatë finales së EURO 2020.
Policia ka nisur një aksion arrestimesh pas hetimit disa ditor mbi personat që kanë përdorur sharje raciste në rrjetet sociale. Lajmin e dha vetë shefi i policisë në Londër, Mark Roberts, u cili u shpreh se aksioni do të vazhdojë dhe më gjerë.
‘’Skuadra jonë e Anglisë ka qenë model i vërtetë gjatë turneut, duke e udhëhequr veten me profesionalizëm dhe dinjitet. Jam i neveritur që ka individë atje që mendojnë se është e pranueshme të drejtojnë sharje të tilla urrejtëse ndaj lojtarëve’’, tha Roberts.
Pre e këtyre sulmeve ranë 3 futbollistët Markus Rashford, Bukajo Saka dhe Zhadon Sanço të cilët u bënë protagonist duke humbur penalltitë respektive.
