Edhe pse larg, shqiptarët nuk e harrojnë vendlindjen e tyre dhe kanë gjithnjë nostalgji për të. Këtë gjë e ka shprehur më së miri Bujar Lalmi, me origjinë nga Tirana i cili aktualisht jeton në Michigan të SHBA.
Lalmi ka krijuar me duart e tij një nga emblemat e Tiranës, që është Kulla e Sahatit, në oborrin e tij të shtëpisë në Michigan. Ai ka mundur të sjellë një copëz nga origjina e tij në Amerikë.
“Ideja e ndërtimit të Kullës së Sahatit më lindi nga xhelozia që kam për njerëzit atje në Tiranë që e gëzojnë Tiranën. Xhelozin do e mund me këtë që ndërtova vetë.
Kam nostalgji të madhe pasi një pjesë e madhe e jetës time është atje në Tiranë. E kisha gjithmonë ëndërr të krijoja diçka të tillë”, është shprehur Lalmi në një intervistë me Joli Papariston.
