Nga Fernada Cenko
Kryeministri Edi Rama po paraprin një shtator “të ftohtë drejtësie” sa i takon zyrtarëve të tij të zgjedhur të cilët mund të jenë objekt hetimi nga SPAK. Kjo u tha në mënyrë të qarta nga kreu i qeverisë, i cili hoqi çdo lloj përgjegjësie për gjithkënd që i ka besuar një pozicion në administratën shtetërore. Këtë Rama po e bën për të ruajtur veten dhe për tu treguar më afër qytetarëve. Por Rama me këtë po i djeg dhe “kartat e korrupsionit” opozitës që pritet të hyjë në shtator në Parlament dhe të denoncojë aferat korruptive në qeveri. E kështu Rama del i larë edhe para të vetëve, edhe përpara opozitës.
Ky distancim Ramës i shkon për shtat edhe në marrëdhëniet me faktorët ndërkombëtare të cilët janë investuar duke i qëndruar mbi kokë Reformës në Drejtësi. Të huajt i kanë bërë presion politikës shqiptare që të mos fusin duart në sistemin e drejtësisë duke kërkuar të kapet çdokush që vjedh dhe ti konfiskohet pasuria e vënë në mënyrë të pa drejtë. Edhe pse në ditët e nxehta të kësaj vere, drejtësia ka bërë arrestime jo pak të bujshme duke arrestuar në zyrë kryetarin e bashkisë së Lushnjes Fatos Tushen si dhe qarkoren në ministrinë e Brendshme sa i takon dhënies së tenderit për uniformat e policisë së shtetit, edhe në vijimësi pritet të ketë prerje kokash. Pyetja ngrihet kush e ka radhën? Sigurisht që pritet të ketë arrestime të bujshme për ti dhënë akoma më shumë besim drejtëisë së atakuar nga politika.
