Një shtëpi dykatëshe është përfshirë nga flakët e zjarrit në orët e vona të mbrëmjes së të mërkurës në Kurbin.
Ngjarja ka ndodhur, rreth orës 23:45, në Milot, Kurbin, ku ka rënë zjarr në banesën e shtetasit M.C.
Menjëherë kanë shkuar në vendngjarje shërbimet e Policisë dhe zjarrfikëses të cilat kanë bërë të mundur neutralizimin e flakëve.
Fatmirësisht nga zjarri nuk ka të lënduar në njerëz, por raportohet vetëm për dëme materiale.
Më datë 21.07.2021, rreth orës 23:45, në Milot, Kurbin, ka rënë zjarr në banesën e shtetasit M.C., ku ka vetëm dëme materiale.
Vijon puna nga grupi hetimor për sqarimin e rrethanave të ngjarjes dhe për përcaktimin e shkakut të rënies së zjarrit.
