Greqia regjistron temperatura rekorde, ja sa gradë celsius shënoi termometri

113 563 lexime

106,048FansaPëlqeje

Temperatura rekord në Greqi, në zonat qendrore termometri shkon në 47 gradë, qeveria në gatishmëri. Udhëzim të posaçëm për ata që punojnë në ambientet e jashtme

Temperatura rekord gjatë gjithë javës në Greqi, duke arritur në shumë zona qendrore në 47 gradë. Vala e nxehtë që ka goditur gjithë vendin, akoma dhe zonat malore që nga fundjava pritet të zgjatë gjatë gjithë kësaj jave, duke arritur temperatura rekord të 40 viteve të fundit, theksojnë mateorologët grekë.

Fenomeni tepër i rrezikshëm ka shkaktuar shqetësim të lartë, qeveria greke është në gatishmëri të aktivizimit të situatës së jashtëzakonshme, ndërsa për sot dhe deri të enjten ka udhëzim të posaçëm për ndalimin e punës nga punëtorë që janë të ekspozuar në ambiente të jashtme, si në sektorin publik ashtu dhe privat, duke u fokusuar kryesisht në orarin 12.00-16.00.

Në gatishmëri edhe zjarrfikësit, pas alarmit të meteorologëve për kushte favorizuese të zjarreve masive. Ditët e fundit Greqia ka pasur mbi 50 vatra zjarri si në pjesën kontinentale ashtu dhe në ishujt e vendit.

Banorët dhe turistët e vendit kanë pushtuar plazhet, në kërkim të freskisë, ndërsa në qendrën turistike të Athinës shkrin asfalti nga orët e para të ditës. Moti i nxehtë pritet të bëjë një “pushim” të vogël në fundjavën e ardhshme, duke u rikthyer sërish nga java tjetër, por pa të njëjtin intensitet.

Ministria e Energjetikës së vendit bën thirrje për përdorim të kujdesshëm të pajisjeve elektronike, kursim të energjisë dhe jo shpërdorim, për të shmangur blackout.


Të fundit

Greqia regjistron temperatura rekorde, ja sa gradë celsius shënoi termometri

Temperatura rekord në Greqi, në zonat qendrore termometri shkon në 47 gradë, qeveria në gatishmëri. Udhëzim të posaçëm për...

Lot dhe dhimbje dhe trëndafila të bardhë/ Burri i preu fytin me thikë, Anisa Shehu përcillet për në banesën e fundit (Fotot)

31-vjeçarja Anisa Shehu, viktimë e një sulmi makabër nga bashkëshorti i saj, është përcjellë sot për në banesën e fundit. Ceremonia mortore është mbajtur këtë...

Ndërron jetë vajza 4-vjeçare e reperit të njohur

Vajza e reperit të famshëm Fetty Wap, Lauren ka ndërruar jetë në moshën 4-vjeçare. Lajmin e ka bërë të ditur nëna e saj, Turquoise përmes...

Goditi me çifte 55-vjeçarin në Vlorë, arrestohet burri

Një 55-vjeçar në Vlorë është plagosur me armë gjahu. Sipas policisë ngjarja ka ndodhur për motive të dobëta në vendin e quajtur “Lumi i Kripës”...

Grenell për vizitë në Shqipëri, publikon foton me Ramën

Lajmi është konfirmuar nga vetë ish-i dërguari i SHBA për dialogun Kosovë-Serbi. Ai ka publikuar një foto në rrjete sociale, ku shihet se është takuar...

Lajme të tjera

Web TV