Kompania “One” është një nga kompanitë telefonike më të njohura në Shqipëri, por edhe pse pretendon për një shërbim cilësor, kjo gjë duket se lë për të dëshiruar. Kjo vjen pasi nuk kanë qenë të pakta rastet kur kjo kompani ka zhgënjyer të arrijë qëllimin kryesor të saj, shërbimit më minimal ndaj klientit.
Neglizhenca e kësaj kompanie duket se ka irrituar jo pak klientët të cilët e denoncojnë si rast pasi momentalisht nuk ka internet për më tepër se 20 minutash. Ky problem vazhdon të largojë gjithnjë e më tepër klientët nga “One”, të cilët duket se nuk marrin as mundimin të japin një sqarim të domosdoshëm për qytetarët që kanë paguar për shërbimin e internetit nga kjo kompani.
Numri i vendosur në dispozicion nga kompania “One” për shërbimin ndaj klientit, 142 duket se është i padobishëm pasi nuk përgjigjet për të dëgjuar ankesën e qytetarëve për problemet me sistemin difektoz. Kjo është e disata herë që kompania duket se “shpërfill” zërat e njerëzve të cilët kanë të drejtën e tyre për një shërbim cilësor. Në ditët e sotme, të gjithë jemi në dijeni të rëndësisë së “smartphone-ve” dhe natyrisht internetit. Kompania “One” ka zhgënjyer sërish klientët duke mos ofruar as shërbimin më minimal të mundshëm ndaj klientëve dhe vazhdon mos të bëjë asnjë përpjekje për ta rregulluar këtë problem të përsëritur.
