Njoftimi zyrtar nga Barcelona për largimin nga skuadra të lojtarit më të mire në historinë e klubit katalanas është aktualisht lajmi kryesor në gjithë globin. Madje as Lojërat Olimpike të Tokios ose lajmet e fundit rreth pandemisë nuk e lane në hije impaktin e kësaj historie.
Veçanërisht në Argjentinë, kjo histori shkaktoi një surprizë të madhe në mediat e ndryshme. “Ole” vjen me titullin “Bombë botërore, Barcelona njofton largimin e Messit”. Gjithashtu, mediat në vendlindjen e Messit reaguan me lajmin kryesor në kopertinë. “Clarin” e përshkruan kështu: “Bomba shpërthen në Spanjë, gjëmon në Argjentinë dhe përhapet në gjithë botën”.
“La Nacion” thekson “kthesën e papritur” dhe flet për “bombën që trondit futbollin botëror”. Pikërisht atëherë kur miku i tij Sergio Aguero e priste në ekip për të lënë pas zhgënjimet e fundit të një ekipi që kërkonte të riciklonte”.
Shtypi i vendeve ku është përfolur se mund të jetë destinacioni i ardhshëm i argjentinasit, siç është rasti i Francës me PSG apo Anglisë me Manchester City, gjithashtu u tronditën nga kjo deklaratë e Barcelonës. Media e njohur franceze “L’Equipe”, ende në gjendje shoku, vendos pyetje nën një fotografi të legjendës katalanase me numrin 10 “Cest Fini?” (Mbaroi?).
Në Angli, “Manchester Evening” ka theksuar dhe afrimin e Jack Grealish në ekip sëbashku me lajmin e bujshëm të Leo Messit dhe e mbyll kështu: “Jini të vëmendshëm ndaj raportimeve të fundit të merkatos nga Manchester City”, një sinjal ky i cili mund të paralajmërojë një afrim të Messit në skuadrën e Guardiolës.
E përditshmja “The Guardian” mbajti një ton të ftohtë dhe informativ me titullin “Messi largohet nga Barcelona për shkak të mosmarrëveshjeve”.
Në Itali, ku përflitej në të kaluarën për mundësinë e një transferimi të argjentinasit te Inter ose Juventus, vijnë me titullin “Messi-Barça, hidhuni të gjithë”. “La Gazzetta dello Sport thekson: “Ajo që po ndodh në Spanjë është absurd, rinovimi u mbyll dhe erdhi një tërmet”.
“Tuttosport” mendon për shtëpinë e re të argjentinasit: “Cili do të jetë ekipi i ardhshëm i Leos?”/MundoDeportivo/.
