Largimi i Leo Messit nga Barcelona është lajmi më i bujshëm jo vetëm i kësaj merkatoje verore, por një lajm që do të ngelet gjatë në historinë e futbollit. Për tifozët e Barcelonës dje ishte një nga ditët më zymta, pasi lojtari më i mirë në botë u divorcua me klubin ku shkruajti historinë.
Menjëherë klubet më të mëdha të Europës u vunë në lëvizje për yllin argjentinas, por për momentin hapa konkretë ka bërë menjëherë PSG.
Megjithatë, Paris Saint-Germain mund të mos jetë klubi i vetëm që do të kandidojë për nënshkrimin e Leo Messit.
Sipas gazetës spanjolle AS, Chelsea – duke pritur sulmin vendimtar për Romelu Lukaku – sapo lexoi për divorcin përfundimtar midis Barcelonës dhe Leo Messit, kërkoi përmes një ndërmjetësi anglez një takim urgjent me agjentin e Leo Messit.
Roman Abramovich dëshiron të dëgjojë kërkesat e futbollistit argjentinas dhe babait të tij, Jorge.
Kjo mund të ishte e bujshme sa i përket merkatos, teksa ndoshta më pas mund të hiqej dorë nga Lukaku për të bërë investimin Messi me vetëm rrogën dhe komisionin.
