Një 23-vjeçar është plagosur me armë zjarri ka ndodhur mbrëmjen e sotme në Theth.
Policia njofton se në qendrën shëndetësore të Thethit është paraqitur për ndihmë mjekësore, jashtë rrezikut për jetën, shtetasi Paulin Harusha.
I riu dyshohet se është plagosur me armë zjarri në rrethana ende të paqarta, duke qarkulluar me mjetin e tij nga Thethi në drejtim të fshatit Nderlysë.
Burime bëjnë me dije se në rrugën e Ndërlysës, persona të paidentifikuar e kanë qëlluar me armë zjarri automatik. Ai fatmirësisht u ka shpëtuar plumbave dhe ka marrë vetëm një gërvishtje të lehtë.
Në vendngjarje kanë shkuar shërbimet e Policisë dhe grupi hetimor dhe nën drejtimin e Prokurorisë së Rrethit Gjyqësor Shkodër vijon puna për sqarimin e rrethanave të ngjarjes, identifikimin dhe kapjen e autorit.
