Një person i armatosur vrau pesë persona, përfshirë një vajzë tre vjeçare, gjatë një sulmi me armë që zgjati gjashtë minuta në qytetin anglez të Plymouth.
Jake Davison, 22 vjeç, më pas vrau veten.
22-vjeçari qëlloi për vdekje një grua në Biddick Drive të enjten në mbrëmje para se të futej në një pronë private në të njëjtën rrugë dhe të qëllonte për vdekje një vajzë tre vjeçe dhe një të afërm të saj.
Mësohet se më pas ai u kthye në Biddick Drive, duke plagosur dy persona, një burrë dhe një grua, të cilët morën dëmtime serioze, por pa rrezik për jetën.
Davison vazhdoi të qëllojë mbi një person tjetër në parkun ngjitur, pak para se të vriste një grua tjetër në Henderson Place.
“Dëshmitarët thanë se në atë moment, 22-vjeçari, ktheu armën në drejtim të vetes dhe qëlloi”, tha Ch Con Saëer.
Policia ka deklaruar se hetuesit nuk po e trajtojnë sulmin si terrorizëm, pasi ende nuk është zbuluar arsyeja dhe motivi i këtij sulmi.
Po ashtu, hetuesit po analizojnë edhe profilet e tij në rrjetet sociale.
