Rastet e Covid-19, sidomos pas përhapjes gjerësisht të variantit “Delta”, kanë shënuar rritje të ndjeshme në të gjithë Europën.
Edhe në vendin tonë kjo rritje e rasteve është evidentuar kryesisht ditët e fundit ku sot janë shënuar 3 viktima dhe 477 raste të reja.
Në Itali janë shënuar 7162 infektime dhe 69 viktima gjatë 24 orëve të fundit, duke bërë që shifrat në një nga vendet më të goditura nga pandemia të ketë sërish një trend rritës.
Në Spanjë shifrat vijojnë të ngelen të larta me 12879 të infektuar dhe 73 viktima në 24 orët e fundit.
Anglia ka shënuar 33,904 raste të reja nga 728,313 testime dhe 111 viktima, ndërkohë që java e fundit ka parë një rritje prej 7.6% të rasteve të reja ditore.
15 persona kanë ndërruar jetë nga Covid-19në 24 orët e fundit në Maqedoninë e Veriut, ndërkohë që nga 6802 teste të kryera, 1081 qytetarë kanë rezultuar pozitivë.
