Një aksident ka ndodhur mbrëmjen e sotme në qytetin e Beratit, ku një mjet tip “Benz”, me targa AA 021 MS, ka humbur kontrollin dhe ka hyrë brenda një dyqani me pajisje elektrike. Sipas informacioneve paraprake, mësohet se mjeti drejtohej nga shtetasi E.P., 26 vjeç.
Për pasojë kanë mbetur të plagosur katër persona. Të aksidentuarit janë kalimtarë të rastit që ndodheshin duke ecur mbi trotuar. Në vendngjarje kanë mbërritur shërbimet e policies dhe kanë nisur hetimet për zbardhjen e plotë të shkaqeve.
Njoftimi i policisë:
Sot , rreth orës 19:00 në aksin rrugor Axhensi-Ura e Goricës, në vendin e quajtur Axhensia shtetasi E. P., 26 vjeç, duke drejtuar mjetin tip Benz ka humbur kontrollin, ka hipur në trotuar dhe është perplasur me një dyqan anës rrugës.
Për pasojë janë dëmtuar këmbësorë të rastit, shtetasit A. K, R. S, T. R, dhe A. S, të cilët ndodhen në Spitalin Rajonal Berat. Grupi hetimor po punon për zbardhjen e rrethanave të aksidentit.
