18-vjeçaria u përcoll sot në banesën e saj të fundit. E reja u braktis një ditë më parë në dyert e spitalit në Ferizaj, pa shenja jete. Ata që e dërguan atje janë identifikuar si Arbër Sejdiu, i cili është arrestuar nga policia dhe Dardan Krivaqa që është ende në kërkim. Ky i fundit sipas familjarëve është bashkëshorti i 18-vjeçares, Marigona Osmani.
Pas vdekjes tragjike së 18-vjeçares ka reaguar në rrjetet sociale dhe këngëtarja e njohur Tayna.
Përmes një postimi në InstaStory, reperja u ka bërë thirrje prindërve që t’i lënë derën hapur vajzave të tyre edhe kur ato dështojnë ose gabojnë.
“Ju lutem mësojuni çikave që ndarja është ok!
Me u kthy në shpitë vet është ok!
Nuk është marre me të dështu lidhja/martesa!
Mësojuni që ai që të rreh NUK TË DON!
Mësojuni lirinë!
Çikës lejani derën çelë e krahët hapur”, shkruan Tayna në postim.
