Një shpërthim tritoli raportohet se ka ndodhur në Bulqizë, pak pas mesnate. Makinës në pronësi të shtetasit me inicialet E.D, i është vendosur tritol dhe nga shpërthimi ka vetëm dëme materiale.
Mësohet se makina së cilës i është vendosur tritol, është e minatorit Elton Debreshi. Ky i fundit kandidoi si i pavarur në zgjedhjet e 25 prillit por nuk arriti të fitonte.
Nga shërbimet e Policisë janë shoqëruar në Komisariat disa persona që dyshohen se mund të kenë dijeni për rrethanat e ngjarjes. Grupi hetimor nën drejtimin e Prokurorisë Dibër po vijon punën për zbardhjen e ngjarjes, dhe kapjen e autorëve.
Bulqizë/ informacion paraprak
Rreth orës 01.00, datë 27.08.2021, në pjesën e përparme të automjetit të shtetasit E. D., dyshohet se është vendosur dhe ka shpërthyer një sasi e vogël lënde plasëse dhe si pasojë janë shkaktuar vetëm dëme materiale.
Nga shërbimet e Policisë janë shoqëruar në Komisariat disa persona që dyshohen se mund të kenë dijeni për rrethanat e ngjarjes.
Grupi hetimor nën drejtimin e Prokurorisë Dibër po vijon punën për zbardhjen e ngjarjes, dhe kapjen e autorëve.
