Ka shkuar në 1.500.000 numri i vaksinimeve të kryera në vend kundër COVID-19. Shifra u bë me dije nga kryeministri Edi Rama, nëpërmjet një postimi në Facebook, ku i bën thirrje qytetarëve të vaksinohen.
“Vaksinohuni, vaksinohuni, vaksinohuni! Mbroni Shëndetin. Vaksinat shpëtojnë jetë”, shkruan Rama.
Vaksinimi kundër COVID në vendin tonë po ecën me ritme të shpejta, ndërsa muaj shtator është muaj i hapur vaksinimi për të gjithë personat mbi 18 vjeç.
Numri total i vaksinave të mbërritur në vend ka shkuar në 1 milion e 950 doza, ku mbrëmje ne djeshme u prit një ngarkesë me 31.590 doza të Pfizer.
Kujtojmë se për tre kategori profesionesh, stafet mjekësore, arsimtarët dhe studentët, vaksinimi është i detyrueshëm.
Spitali Infektivi është spitali i vetëm COVID në vend, ndërsa me rritjen e rasteve të infeksionit për shkak të variantit Delta, po kryhen përgatitjet e fundit në spitalin COVID 3, strukturë që do të jetë për disa ditë, ku do të zhvendosen pacientët që janë drejt përmirësimit.
Aktualisht në vend janë 11,288 pacientë aktivë me COVID19, ndërsa të shtruar në Spital janë 114 pacientë, nga të cilët 19 janë në gjendje më të rënduar.
