U pritën ndryshime të mëdha në kabinetin “Rama 3”, por nuk pati emra të rinj që do drejtonin ministritë e rëndësishme. Edhe pse pritje nga ankesat e Ramës se ministrja e Arsimit Evis Kushi nuk do të ishte më ministre, Rama e konfirmoi sërish atë në mbledhjen e Asamblesë Kombëtare që u zhvillua dje në Pallatin e Kongereseve. Blendi Klosi “u dorëzua” përballë pakënaqësive të Ramës. Edhe pse për Etilda Gjonaj u përfol se ajo do të konfirmoj, ajo nuk mori asnjë post ministror. Pritej që Anila Denaj të mos ishte më ministre e Financave dhe vendin e saj e zuri Delina Ibrahimi, që ishte drejtoreshë e Përgjithshme e Tatimeve. Ndërsa nga Bujqësia iku Milva Ekonomi duke i lënë vendin ish drejtoreshës së AZHBR-së Frida Krifcës. Ulsi Masnja u cilësua një suprizë që u zgjodh si ministër i Drejtësisë, por ai mbante në legjislaturën që lamë pas kreun e komisonit të Ligjeve. Po ashtu Lindita Nikolla nuk do bëjë pjesë në kabinetin “Rama 3”, por i lihet një post shumë i rëndësishëm si kryeparlamentare, post që e mbante Gramoz Ruçi. Nuk munguan as “surpizat e pakëndshme” për Taulant Ballën, që ishte edhe deputeti më i votuar duke iu hequr pozicioni më i besuar në Partinë Socialiste, siç ishte Sekretar i Përgjithshëm i PS-së dhe ky pozicion i besohet Damian Gjiknurit. Me një buzëqeshje të sforcuar para kamerave, Balla tha se nuk e sheh këtë lëvizje si ulje të përgjegjësive të tij, pasi posti i Kryetarit të grupit parlamentar të PS është mjaft i rëndësishëm në një kohë kur në Kuvend priten të diskutohen çështje të nxehta politike. Veç kësaj, Rama e dërgoi Ballën në qarkun e Fierit si drejtues politik, ndërsa në vend të tij vendosi Damian Gjiknurin. Supriza në Asamble ishte prezantimi i Ditmir Bushatit nga kryeministri Edi Rama si anëtar i akademisë politike dhe kandidat për anëtar kryesie. Pas përfundimit të asamblesë ku u prezantuan emrat e rinjt të qeverisë Rama 3, në një deklaratë për mediat, Bushati u shpreh se shpresonte që të zgjidhet dhe ta vazhdojë ta japë kontributin e tij në PS dhe ashtu ndodhi pasi doli më i votueri. Debati politik tha Bushati ka nevojë për përmirësin dhe duhet të fillojë nga PS. “Kam përshtypjen që në fjalën e tij Rama e cilësoi që ka vend për të përmirësuar të gjithë hapësirën e debatit politik dhe përmirësimi debatit politik duhet të fillojë nga Partia Socialiste”, tha ai. Gjatë fjalës së mbajtur dje në Asamblenë Kombëtare, kryeministri Edi Rama tregoi emrat e kandidatëve për anëtarë të të Kryesisë së PS, të cilët nuk janë kryetarë qarqesh.
Qeveria ‘Rama 3’
Zëvendëskryeministri, Arben Ahmetaj
Ministri për Punët e Jashtme dhe Europën, Olta Xhaçka
Ministri i Mbrojtjes, Niko Peleshi
Ministri i Drejtësisë, Ulsi Manja
Ministri i Punëve të Brendshme, Bledi Çuçi
Ministri i Financave, Delina Ibrahimi
Ministri për Infrastrukturën, Belinda Balluku
Ministri i Shëndetësisë, Ogerta Manastirliu
Ministri i Arsimit, Evis Kushi
Ministri i Kulturës, Elva Margariti
Ministria e Bujqësisë, Frida Krifca
Ministria e Turizmit dhe Mjedisit, Mirela Kumbaro
Qeveria e re do ketë katër ministra shteti:
Elisa Spiropali, ministre për Marrëdhëniet me Parlamentin
Edona Bilali, ministre e Shtetit për Mbrojtjen e Sipërmarrjes
Bora Muzhaqi, ministre e Shtetit për Rininë dhe Fëmijët
Milva Ekonomi, ministre e Shtetit për Standardet dhe Shërbimet
Qeveria “Rama 2”
Zëvendëskryeministri, Erjon Braçe
Ministri për Punët e Jashtme dhe Europën, Olta Xhaçka
Ministri i Mbrojtjes, Niko Peleshi
Ministri i Drejtësisë, Etilda Gjonaj
Ministri i Punëve të Brendshme, Bledi Çuçi
Ministri i Financave, Anila Denaj
Ministri për Infrastrukturën, Belinda Balluku
Ministri i Shëndetësisë, Ogerta Manastirliu
Ministri i Arsimit, Evis Kushi
Ministri i Kulturës, Elva Margariti
Ministria e Bujqësisë, Milva Ekonomi
Ministria e Turizmit dhe Mjedisit, Blendi Klosi
Ministre për Marrëdhëniet me Parlamentin, Elisa Spiropali
Ministër i Shtetit për Mbrojtjen e Sipërmarrjes, Eduard Shalsi
Kandidatët për Kresinë e PS-së
Lista e burrave
Pandeli Majko
Erion Braçe
Ditmir Bushati
Ilir Beqja
Arben Pëllumbi
Eduard Shalsi
Armand Subashi
Fatmir Xhafaj
Pjerin Ndreu
Ervin Dema
Lista e grave:
Ogerta Manastirliu
Belinda Balluku
Olta Xhaçka
Ermonela Felaj
Evis Kushi
Milva Ekonomi
Mimi Kodheli
Klodilta Ferhati
Blerina Gjylameti
Almira Xhongulla
