Zërat e merkatos në lidhje me Real Madridin nuk kanë të bëjnë vetëm me Mbappe dhe Haaland, por edhe Paul Pogba. Mesfushori francez është gati ta përfundojë kontratën e tij në qershor 2022 me Manchester United dhe “Los Blancos” do të përpiqen ta marrin atë falas merkaton e verës së ardhshme. Lajmin e bën të ditur “Mundo Deportivo”.
Në fakt, zërat për mbërritjen e Pogba në Madrid po bëhen më të fortë edhe në Francë, edhe në Angli. Mesfushori kampion bote dëshiron vetëm Real Madridin dhe do të refuzonte një ofertë të mundshme nga PSG apo Juventusi, dy klubet e tjera të interesuara për të. Natyrisht, megjithatë, Manchester United nuk ka në plan ta humbasë lojtarin me parametra zero dhe shpreson të rinovojë kontratën e tij në dimër.
Nëse Pogba nuk rinovon, “Djajtë e Kuq” do të mendojnë për një shitje të mundshme në janar. Por, siç raportohet nga gazeta katalanase, Real Madridi ka në mendje ta marrë Pogban vetëm si transferim falas.
Real Madridi, gjithashtu do të duhet të merret me Mino Raiola, agjentin që përfaqëson francezin. Marrëdhëniet midis Raiola dhe Florentino Pérez nuk kanë qenë të mira në të kaluarën, por tani ato duket se janë përmirësuar.
Raiola, midis Haaland dhe Pogba, mund të jetë njeriu kryesor në merkaton e ardhshme të “Los Real Madrid.
Pogba ishte obsesioni i Zidane, i cili në sezonet e fundit në stolin e bardhë e pati kërkuar gjithmonë mesfushorit francez. Ai e konsideronte atë themelor, por Real Madridi kurrë nuk arriti të nënshkruajë me të
