Në 14 shtator, kancelarja e Gjermanisë Angela Merkel do të vizitojë Shqipërinë, kjo është vizita e dytë, pas asaj në vitin 2015. Ndërkohë ambasada e Gjermanisë në vendin tonë ka zbardhur edhe agjendën e takimeve. Në Tiranë ajo do takohet fillimisht për një bisedë me kryeministrin Edi Rama.
“Të planifikuara janë biseda që lidhen me çështjet e politikës ekonomike dhe marrëdhëniet dypalëshe midis Shqipërisë dhe Gjermanisë, por edhe çështje që lidhen me përafrimin me BE-në”, thuhet në njoftimin e ambasadës. Ndërkohë në bisedimet e mëpasme me krerët e qeverive të gjashtë shteteve të Ballkanit Perëndimor, në plan të parë do të jenë çështjet e bashkëpunimit rajonal.
Gjithashtu janë planifikuar bisedime dypalëshe me krerët e qeverive të Kosovës, Bosnje dhe Hercegovinës, Malit të Zi dhe Maqedonisë së Veriut. Ndërkohë më herët është raportuar se vizita do te jete nje tur lamtumire ne Ballkanin Perendimor.
