Një djalë 9 vjeçar në Skoci pothuajse vdiq pasi gëlltiti magnet të vegjël si pjesë e një sfide të TikTok, ka zbuluar nëna e tij.
Nëna e Jack McGeoch ka treguar për mediat e huaja se djali i saj kishte dhimbje të tmerrshme barku dhe të vjella. Pas një skanimi me ultratinguj ka zbuluar se djali kishte gëlltitur magnet si një sfidë në TikTok për të treguar se në faqe ka gropëza.
Kur ka mbërritur në spital mjeket i kanë thënë nënës se djali i saj mund të vdiste pasi magneti në zorrë kishte ndikim shkatërrues.
9-vjeçari iu nënshtrua një operacioni që zgjati katër orë, që fatmirësisht përfundoi me sukses. Edhe pse kanë kaluar 5 ditë nga operacioni ai ende nuk ushqehet dot dhe nuk qëndron në këmbë.
