Juventusi nuk e ka shijuar ende fitoren e parë në Serinë A dhe në katër ndeshje renditet në vendin e 18-të me vetëm dy pikë, pas dy barazimeve dhe dy humbjeve.
Kryendeshja e Serisë A ndaj Milanit u mbyll në barazim 1-1. Një gol i shpejtë i Moratas që në minutën e katërt të takimit krijoi idenë se kjo do të ishte ndeshja e kthesës për skuadrën e Allegrit.
Por, megjithë volumin e madh të lojës, Juventusi nuk pati ndonjë rast tjetër të pastër shënimi dhe dyshja Dybala-Morata nuk funksionon në sulm.
Milani barazoi me Rebiç në minutën e 75 të takimit. Goli frymëzoi kuqezinjtë që në minutat e mbetura patën edhe tre raste të pastra për të shënuar. Me pak fat, fillimisht Rebiç, më pas Kalulu dhe Florenci mund t’i kishin dhënë tri pikët skuadrës.
