Më në fund ka dritë në fund të tunelit për Juventusin. Bardhezinjtë kanë mposhtur 2-3 në transfertë Specian duke siguruar fitoren e parë në këtë sezon të Serisë A.
Kean kaloi në avantazh Juven në minutën e 28-të të takimit. Avantazhi i bardhezinjve zgjati vetëm 5 minuta, pasi Gijasi vendosi baraspeshën në minutën e 33-të të takimit.
Pjesa e dytë nisi vrullshëm për vendasit, të cilët kaluan në avantazh në minutën e 49-të me Antiste. Përmbysja e çmendur erdhi në minutën e 66-të kur Chiesa barazoi shifrat duke depërtuar bukur në zonën e Specias.
6 minuta më vonë, pas një rrëmuje në zonë, De Ligt shënoi golin e 3-të për bardhezinjtë dhe të avantazhit.
Në minutën e 77-të u aktivizua dhe sulmuesi shqiptar Rey Manaj, por pa mundur të lërë gjurmë në këtë takim. Juve siguron kështu fitoren e parë në kampionat dhe ngjitet në kuotën e 5 pikëve pas 5 ndeshjesh.
