Një autoportret i Frida Kahlo pritet të shitet për një rekord në ankand të këtij viti në New York.
Autoportreti i “Diego y yo” (Diego dhe unë) ka një vlerë rreth 30 milionë dollarë, tha Sotheby’s në një deklaratë.
Kahlo pikturoi autoportretin bust, një format i popullarizuar për herë të parë gjatë Rilindjes Evropiane, kjo ishte një ndër veprat e saj më të famshme.
E përfunduar në 1949, pesë vjet para vdekjes së saj, “Diego y yo” është autoportreti i fundit i artistes së viteve 1940.
Pas martesës së saj të dytë me muralistin meksikan Diego Rivera – çifti u martua përsëri në vitin 1940 pasi u divorcuan një vit më parë – Kahlo u frymëzua nga subjekte që shkonin nga Aztekët dhe mitologjia Lindore e deri tek mjekësia dhe botanika. Ajo gjithashtu përshkroi çështjet e saj dobësuese shëndetësore dhe marrëdhënien e saj të trazuar me Rivera, duke krijuar një ikonografi personale në punën e saj.
Kahlo u takua me Rivera kur ajo i kërkoi të kritikonte punën e saj dhe uljet dhe ngritjet e marrëdhënies së tyre u bënë një temë kryesore e artit të saj./MCN.tv
