Djali i Sokol Oldashit, Glauku thotë se do të vazhdojë që të mbështesë Partinë Demokratike dhe shpreson që të vazhdojë të japë kontributet e tij brenda kësaj partie për aq sa të jetë e mundur.
Megjithëse për ZonaZero në Top News tha se politikën dhe aktivizimin politik nuk e sheh si profesion në vetvete, Glauk Olldashi nuk e fsheh ambicien që ka.
“Ambicie ka gjithkush në çdo profesion dhe çdo fushë. Nuk kam ndonjë ambicie të madhe, por do të doja të vazhdoja që të përfaqësoja demokratët dhe të ndihmoja demokratët. pse jo edhe një ditë në Parlament”, tha ai.
Glauk Olldashi është pjesë e Forumit Rinor të Partisë Demokratike. Ai thotë se në zgjedhjet e 25 prillit në zonën ku bëri fushatë së bashku me ekipin e vet, arriti një rezultat 51 për qind më të lartë se rezultati i 2013-ës.
