Një tjetër shtetas shqiptar është arrestuar në Britaninë e Madhe, pasi është kapur në një shtëpi bari. Sipas mediave britanike, në pranga është vënë 24-vjeçari Riza Rama, i cili gjatë dëshmisë së dhënë ka treguar se në shkuar në Angli me kamion. Trafinkantët, i kishin premtuar atij se do të fitonte një shumë të konsiderueshme parash brenda dy muajve.
Por agjë nuk shkoi ashtu siç ishte planifikuar. I riu u dënua me 32 muaj burg. Ai ishte raportuar nga fqinjët më 9 mars të vitit 2021. Brenda shtëpisë oficerët gjetën bimë kanabisi që ishin mbjellë në katër dhoma dhe në papafingo. Ai kishte bërë lidhje të paligjshme të energjisë elektrike me ndriçim dhe impiante për rritjen e lëndëve narkotike. Në momentin kur policia shkoi në banesë ai u përpoq të arratisej nga dera e pasme.
Rama u tha oficerëve se kishte shkuar në Mbretërinë e Bashkuar 15 ditë para se të arrestohej dhe u transferua në këtë zonë pasi i kishin premtuar se do të niste punë si kopshtar. Ai hodhi poshtë akuzat për ndërhyrje në rrjetin elektrik ndërsa shtoi se kishte nevojë të punonte për t’i dërguar para familjarëve të tij në Shqipëri.
