Fadil Nikaj nga Shkodra është autori i plagosjes së vajzës 20-vjeçare në Vlorë (më herët u raportua 23 vjeç). Bëhet me dije se e reja ishte studente në Vlorë, pasi jetonte në Berat.
Ndërkohë, mësohet nga policia se 30-vjeçari ka pasur me vete edhe dy granata dore, një e ka hedhur në lokal. Shkodrani, para se ta qëllonte studenten, e ka tërhequr zvarrë nga lokali.
Njoftimi i policisë:
Më datë 25.09.201, rreth orës 12:05, në vendin e quajtur “Bar Cacai”, lagjia “28 Nëntori”, Vlorë është plagosur me armë zjarri shtetasja K.Z, 20 vjeçe lindur në Berat, student në Vlorë, e cila është shoqëruar për në spital për ndihmë mjeksore, momentalisht jashtë rrezikut për jetën.
Falë reagimit të mejëhershëm të shërbimeve të Policisë është bërë e mundur kapja dhe arrestimi në flagrancë i autorit të dyshuar të ngjarjes, shtetasi Fadil Nikaj, 30 vjeç, banues në Shkodër.
Në cilësinë e provës materiale Policia gjeti dhe sekuestroi armën e krimit me të cilën dyshohet se autori ka kryer plagosjen, një grantë dore në ambientet e lokalit si dhe gjatë kontrollit fizik të ushtruar në cantën e autorit iu gjetë dhe sekuestrua një granatë e dytë.
Grupi hetimor ngodhet në vendngjarje dhe nën drejtimin e Prokurorisë së Rrethit Gjyqësor Vlorë po vijon punën për zbardhjen e rrethanave të ngjarjes.
