Florentino Perez nuk kaloi një ndër netët e tij më të mira mbrëmjen e djeshme. Pasi pa ekipin e tij të barazonte 0-0 në shtëpi ndaj Villarreal, makina e tij u përfshi në një aksident të vogël kur ai u largua nga stadiumi ‘Santiago Bernabeu’ dhe incidenti u kap nga kamerat televizive.
Barazimi pa gola ishte një zhgënjim i veçantë pasi tifozët e Madridit ishin në një nivel mjaft të lartë pas rezultateve të fundit, Pavarësisht barazimit Los Blancos mbeten në krye të LaLiga-s .
Pas ndeshjes, makina e Perez u përplas nga pas kur mori kthesën në rrugën “Glorieta de los Sagrados Corazones”.
Aksidenti ishte shumë i vogël, pavarësisht poshtërimit të krijuar nga e përditshmja sportive “Gol” duke e kapur momentin dhe duke publikuar pamjet në televizor. Makinat vazhduan rrugën e tyre, me Perezin që rrethohej nga fansat sa herë që makina ndalonte në semafor.
Një tifoz dëgjohej duke bërtitur për Kylian Mbappe dhe Perez u përgjigj se do të ishte një nënshkrim për vitin e ardhshëm, duke treguar se ai mbetet i sigurt për të afruar yllin francez në Madrid.
