Një aksident me vdekje ka ndodhur mbrëmjen e sotme në Fier. Një motor me drejtues shtetasin Shkëlqim Kondi ka përplasur një këmbësor rreth 50 vjeç tek parku i automjeteve, i cili për pasojë ka ndërruar jetë në vend.
Në vendngjarje ka mbërritur menjëherë ambulanca dhe policia, e cila po punon për zbardhjen e shkaqeve të aksidentit.
Ende nuk bëhet me dije identiteti i viktimës, ndërsa policia ka shoqëruar në komisiariat drejtuesin e motorit.
Informacion paraprak:
Sot rreth 19:40, në vendin e quajtur “Rotondo e parkut” shtetasi Sh. K., 66 vjeç, banues në Fier, duke drejtuar motomjetin tip “Honda” ka përplasur një këmbësor, rreth 50 vjeç, i cili ka ndërruar jetë.
Është shoqëruar shtetasi Sh. K në Komisariatin e Policisë Fier dhe po kryhen veprimet procedurale.
Grupi hetimor po punon për identifikimin e viktimës dhe zbardhjen e plotë të rrethanave të aksidentit.
