Një granatë dore u gjet në valixhen e një burri që udhëtonte nga Mynihu në Turqi, duke rezultuar në një operacion në shkallë të gjerë të policisë dhe një bllokim tre orësh të aeroportit të Mynihut.
Sipas mediave të huaja, një 28-vjeçar nga Bavaria i cili po udhëtonte me pushime për në Turqi u gjet duke mbajtur granatën në bagazhin e dorës, duke shkaktuar një mobilizim të madh të autoriteteve të aeroportit të Mynihut.
Burri pretendoi se e gjeti granatën dy javë më parë, gjatë një turneu në një fshat në Zvicër, por ai nuk ishte në gjendje të përgjigjej pse e mbante atë në valixhen e tij, ndërsa sipas policisë personi në fjalë nuk dukej se ishte në dijeni se sa i rrezikshëm ishte objekti.
