Luis Suarez e bëri Barcelonën të pendohet dhe një herë që e kanë shitur mbrëmjen e kaluar ku shënoi dhe asistoi në fitoren e Atletico Madrid (2-0).
Tifozët e klubit u zemëruan kur panë një nga lojtarët e tyre më të mëdhenj të largohej në verën e vitit 2020 dhe vendimi i marrë tani duket edhe më qesharak kur kanë kaluar më shumë se 12 muaj. Suarez u lejua në mënyrë të pashpjegueshme të nënshkruante me një nga rivalët më të mëdhenj të Barça në La Liga, por marrëveshja e çuditshme ishte se klubi do të merrte vetëm 6 milionë euro në këmbim.
Që atëherë, Suarez ka shënuar 25 gola në 47 ndeshje në kryeqytetin spanjoll dhe ka fituar titullin e kampionit. Suarez kishte folur për telefonatën që Ronald Koeman ia kishte bërë vitin e shkuar, ku i kishte thënë se drejtorët duan largimin e tij. “Fjalët e Koeman ishin: ‘Ata më thanë të të tregoja. Unë u detyrova të stërvitem veçmas dhe u lash jashtë skuadrës për tre ndeshje miqësore”, tregonte Suarez.
Por sipas tij, Koeman ka qenë ai që nuk e ka preferuar në skuadër. Pra, vetëm imagjinoni se si duhet të ishte ndier Koeman kur Suarez shënoi një gol të klasit të lartë në fitoren e Atletico Madridit prej 2-0.
