Katër persona kanë mbetur të plagosur pasditen e sotme në Kurbin, si pasojë e një aksidenti. Bëhet me dije se aksidenti u regjistrua rreth orës 16:55, në aksin rrugor Milot-Rrëshen, në Skuraj, ku automjeti tip “Renault” është përplasur me mjetin tip “Ford”.
Si pasojë e përplasjes u plagosën katër persona, të cilët u dërguan me urgjencë në spitalin e Traumës në Tiranë.
Nuk dihet gjendja e tyre shëndetësore. Shkaqet e aksidentit nuk janë ende të qarta, ndërsa policia ka nisur hetimet.
