Sean Paul ka humbur miliona dollarë gjatë pandemisë së COVID-19, për shkak se nuk ka mundur të shkojë në turne për dy vite.
Këngëtari tha se iu është dashur që të anulojë koncertet për shkak të izolimit.
“Kam humbur shumë para sepse udhëtoj më shumë se gjashtë muaj në vit. Këto të ardhura vijnë nga turnetë, por gjithashtu kam shpenzuar edhe për bamirësi”- tregoi artisti me famë botërore.
Ai u shpreh se periudhën e izolimit e ka kaluar në shtëpi: “Ndonjëherë duhet të bëni pushim. Çdo e keqe ka një të mirë, unë e shijova kohën me familjen time dhe në studio”
Sidoqoftë, babai i dy fëmijëve pranoi se: “Ndonjëherë familja ju streson dhe më duhet të dilja jashtë të pija birrë. Pjesa më e bezdisshme është kur fëmijët duan të dalin dhe të luajnë dhe ti nuk ke nerva, vetëm i thua: ‘Thjesht dilni jashtë dhe luani’ ose ‘Luani me videolojra’. Me bashkëshorten, bisedat mund të jenë të bezdisshme. Kam nevojë për qetësi.”
Sidoqoftë, pandemia i dha atij kohë për të punuar në albumin e tij të ri, “Scorcha”, i cili do të dalë në shkurt.
