Një ngjarje e pazakontë që për sytë e kalimtarëve ishte një mrekulli u shënua në Nju Xhersi. Mëngjesin e djeshme, një djalë i ri ra nga pallati i lartë në të cilën ndodhej mbi një “BMw” dhe fatmirësisht mbijetoi.
Sipas personave që ndodheshin pranë makinës në momentin e incidentit, djali ngriti kokën disa sekonda pasi u përplas mbi makinë dhe pyeti i habitur “Çfarë ndodhi”?
Megjithëse djali mbijetoi, siç shihet edhe nga fotografia e publikuar, fytyra e tij u mbulua me gjak për shkak të dëmtimeve nga xhamat si dhe krahu i tij pësoi një goditje shumë të fort.
“Dëgjova një bum të madh dhe nuk mendova se ishte një person në fillim. Djali u përplas dhe filloi të bërtiste, krahu i tij u shtrembërua i gjithi”, tha një person që pa skenën për mediat lokale.
Unë po mendoja me veten ‘O zot’. U trondita shumë”, tha një tjetër.
Fatmirësisht djali shpëtoi mrekullisht dhe po merr shërbimin e nevojshëm mjekësor.
