Adhuruesit e agjentit të famshëm 007 kanë pritur me padurim filmin e James Bond me titull “No Time To Die” . Shqiptarët do të kenë mundësinë të ndjekin premierën e filmit me protagonist Daniel Craig këtë të shtunë në orën 18:00 në kinema Millennium në Tiranë.
Qytetarët e Tiranës do të shohin dhe dekorimin e Pedonales “Murat Toptani” të stolisur për të mirëpritur agjentin britanik.
No Time to Die ka thyer rekordet në shfaqjen e tij në Britani, duke tejkaluar fundjavën e parë të shfaqjes të gjithë filmave të mëparshëm dhe në total ka arkëtuar 119 milionë nga 54 shtete në total.
Në vlerësimet rreth filmit, është përmendur aksioni fantastik në film, fuqizimi i aktoreve femra në film si dhe po cilësohet si filmi më emocional nga seria e filmave të agjentit James Bond.
Filmi është i fundit nga seria e atyre të agjentit 007 ku në rolin e Bond shfaqet aktori Daniel Craig. Filmi flet për agjentin James Bond i cili ka braktisur shërbimin aktiv. Paqja e tij është megjithatë jetëshkurtër, kur Felix Leiter, një mik i vjetër nga CIA paraqitet duke kërkuar ndihmë, duke dërguar agjentin Bond kështu në kërkim të një antagonisti misterioz i paijusr me një armë të rrezikshme të re teknologjike.
Filmi vjen nën regjinë e Cary Joy Fukunaga ndërsa në rolet kryesore luajnë aktorët e njohur si Daniel Craig, Naomie Harris, Lea Seydoux dhe Rami Malek.
