Një inxhinier bërthamor i marinës amerikane dhe gruaja e tij u arrestuan dhe u akuzuan se janë përpjekur vazhdimisht për të kaluar sekrete në lidhje me nëndetëset bërthamore amerikane në një vend të huaj.
Jonathan Toebbe ka dërguar një paketë të dhënash drejt një vendi të panjohur në vitin 2020 dhe më vonë filloi të shiste sekrete në këmbim të dhjetëra mijëra dollarëve në kriptovalutë, ndaj një agjenti të fshehtë të FBI -së që paraqitej si një zyrtar i huaj, thuhet në deklaratën e Departamentit të Drejtësisë.
Gruaja e tij Diana e kishte ndihmuar atë gjatë gjithë kohës dhe vepronte si vëzhguese.
Mbi çiftin rëndon akuza për komplot dhe “shpërndarje të të dhënave të kufizuara”, sipas një kallëzimi penal.
Mediat e huaja bënë me dije se ata do të dalin të martën para gjykatës së Virgjinias.
