Ish-drejtori i RTSH-së, Thoma Gëllçi dhe tre vartësit e tij, janë lënë ditën e sotme në arrest me burg nga Gjykata e Posaçme. Ervin Muraj, Julian Tapia, Alban Malaveci dhe Thoma Gëllçi u arrestuan nën akuzën e abuzimit me tenderat, me kërkesë të Prokurorisë së Posaçme kundër Krimit të Organizuar dhe Korrupsionit.
Në seancën gjyqësore, Gëllçi ishte i pranishëm dhe nëpërmjet avokatit të tij Dorian Matlia, kia deklaruar se e gjitha kjo është një inskenim.
Përse akuzohet Gëllçi?
Sipas SPAK, Gëllçi ka kryer tender pa marrë ende miratimin e AMA-s për të hapur kanalin ‘Agro RTSH’ dhe ka bërë preventivin e projektit pa ditur nëse fondit prej 100 milionë lekësh (te reja) do i miratohej nga Ministria e Financave. Ai ka zgjatur me 16 dit afatin e zbatimit të kontratës ndaj firmës fituese përtej 45 ditëve që ishte në kontratë. Gëllçi po ashtu, ka skualifikuar padrejtësisht njërën prej kompanive që ishte në garë, duke ka favorizuar një kompani tjetër që sipas raport të KLSH nuk përmbushte kritere për t’u kualifikuar. Tenderi është zhvilluar në 2018, u bë për blerjen e pajisjeve për kanalin RTSH Agro me vlerë 86. 908 550, 00 lekë (pa tvsh), afro 1 mln dollarë me TVSH.
Hetimet kanë nisur në muajin shkurt të këtij viti nga SPAK dhe më pas është dalë në përfundim se vartësit e ish-drejtorit, konkretisht Ervin Muraj, Alban Malaveci, Julian Tapia të cilët kanë qenë pjesë e Komisionit të Vlerësimit kanë kryer shkelje në tendera.
