Ish-deputeti i Partisë Demokratike, Mark Marku e ka cilësuar përplasjen e fundit politike mes kryedemokratit Basha dhe ish-kryeministrit Berisha, një çështje “pronësie” për partinë.
I ftuar në emisionin Opinion, Marku thotë se kjo lëvizje e ish-kryeministrit ka filluar sepse Basha mori një vendim që cënonte interesat e Berishës.
Për ish-deputetin demokrat, nëse Berisha rikthehet në krye të PD-së, atëhrë partia do të humasë përjetësisht pushtetin.
“Disa gjëra të qarta. Kjo lëvizje nuk ka lindur për demokracinë, pasi Berisha ka shkatërruar demokracinë në PD. Sali Berisha është iniciator i prishjes së demokracisë. Ka bërë një parti postkomuniste. Duhet të shkojmë tek gjëja bazë. Pse nisi kjo lëvizje, sepse Basha mori një vendim që cënonte interesat e Berishës. Pse nuk e ngriti çështjen e demokratizimit Berisha përpara këtij vendimi. Nuk po diskutohet për PD, por për çështje pronësie. Deri tani pronari real ka qenë Sali Berisha. Pas 2013-ës, Berisha dha dorëheqjen, ka mbajtur pronësinë duke caktuar një administrator. Në një moment që administratori bëhet pronar. Unë mendoj që kështu si vepron Berisha, po bën dëm për PD. Ne kemi 30 vjet me Berishën.
Dhe ai shfaqet si opsion për të ardhmen, të qëndrojë dhe për 10-15 vite në politikë. Ajo parti që do sakrifikohet për Berishën, a do dalë për qeveri. Problemi i Lulzim Bashës dhe në këtë moment, është ky, duke qëndruar statik, që të zgjidhet problemi i PD-së, Lulzim Basha duhet të bëjë disa lëvizje. Në momentin që Basha mori përgjegjësinë reale, në këtë rast, mendoi se do të duhet të justifikojë. Shoqëria shqiptare kërkon argument, Basha duhet të dalë të shpjegojë. Kjo lëvizje në çdo rast e shkatërron PD-në. Mos bëjmë sikur lëvizja, le të jenë 200 mijë, do kthejnë Berishën në krye të PD-së, do humbin përjetësisht pushtetin. Basha duhet të dalë me një koncept të ri për opozitarizmin. Ka përçarje” – tha Marku.
