Ambasadorja e SHBA-ve, Yuri Kim është takuar sot me ministren e re të Bujqësisë, Frida Krifca.
Gjatë takimit, Kim ka publikuar fotot dhe njoftimin e vizitës, teksa ka bërë të ditur se ka rënë dakord me ministren Krifca për të shqyrtuar mundësitë për të rritur tregtinë dhe investimet mes Shqipërisë dhe SHBA-ve si dhe për të nxjerr në pah produktet bujqësore shqiptare.
“U takova me Ministren e Bujqësisë dhe Zhvillimit Rural Frida Krifca për të diskutuar bashkëpunimin midis Shteteve të Bashkuara dhe Shqipërisë në këtë sektor të rëndësishëm. Ramë dakord që të shqyrtojmë mundësitë për rritur tregtinë & investimet (e dini se 70% e sherebelës së importuar në Shtetet e Bashkuara vjen nga Shqipëria?), të nxjerrim në pah produktet bujqësore shqiptare dhe të mbështesim turizmin në zonat rurale”’, thekson Kim.
