Peter Scolari ka ndërruar jetë pas nje beteje dy vjeçare me kancerin. Aktori, që u bë i famshëm së bashku me Tom Hanks në “Bosom Buddies” ndërroi jetë të premten në mëngjes në moshën 66-vjeçare. Lajmin e konfirmoi për CNN menaxherja e tij, Ellen Lubin Sanitsky.
Scolari u shfaq në shumë filma dhe seri televizive gjatë karrierës së tij, duke përfshirë “Newhart”, “Murphy Brown” dhe “The Good Fight”. Scolari u nominua tre herë për një Emmy për rolin e tij në “Newhart”, dhe fitoi trofeun në vitin 2016 me interpretimin në “Girls”.
