Mbërritja e deputetëve në ambientet e parlamentit edhe ditën e sotme nuk ka kaluar pa tërhequr vëmendje. Në veshjet e tyre kanë dominuar kostumet serioze dhe ngjyra e zezë.
Deputetët burra si gjithmonë kanë qenë shumë shik, ndërsa gratë janë kombinuar deri në detaje me aksesorët e zgjedhur, që nga maska dhe deri te çanta.
Deputetja më e vjetër Luljeta Bozo ka hyrë me bastun, ministrja e Shëndetësisë Ogerta Manastirliu është shfaqur e buzëqeshur dhe me shumë nxitim, ndërsa Balluku dhe Spiropali kanë zgjedhur të zezën.
Sipas axhendës, mbledhja e sotme pritet të zgjasë katër orë e gjysmë dhe deri më tani nuk kanë munguar replikat e shumta.
