Detaje të reja kanë dalë në dritë lidhur me ekzekutimin e ish-efektivit të policisë në Laç, mëngjesin e sotëm Xhelal Reçi.
Burime për mediat bëjnë me dije se shkak për vrasjen e tij janë bërë konfliktet e mëparshme të djemve të tij, kryesisht Besnik Reçit. 3 vite më parë dy djemtë e tij dhe vetë Xhelali kanë qenë shënjestër e një atentati në hyrje të lokalit të tyre në Kurbin.
Fatmirësisht ata arritën të shpëtonin, ndërsa dyshohet se shkak për atentatin ndaj tyre, ka qenë përfshirja e djemve në një sherr me persona që kishin lidhje me një grup të njohur kriminal në zonën e Kurbinit.
Sherri kishte nisur për motive banale (për një femër). Familja Reçi kishte negociuar me anëtarët e këtij grupi, duke normalizura situatën mes tyre.
Xhelal Reçi është ekzekutuar mëngjesin e kësaj të hëne në derën e dyqanit, që ndodhet vetëm pak metra nga komisariati i policisë së Kurbinit.
