Majlinda Kelmendi është një ndër vajzat të cilat na ka bërë përherë krenarë me arritjet e saj në të gjithë botën.
Së fundmi ajo ka shkruar një letër të hapur për “Jahjaga Foundation”, ku i drejtohet të gjitha vajzave dhe grave të cilat gjenden në vështirësi.
Përmes fjalëve të saj Majlinda ka dashur që ti japë motivim të gjitha atyre që mendojnë se nuk munden për t’ja dalë mbanë.
“Për çdo rrugë që e zgjidhni ta ndiqni në jetë, kam vetëm dy gjëra për t’ua thënë: punoni shumë dhe mos hiqni dorë edhe atëherë kur gjërat duken të pamundura.
Zhgënjime do të ketë. Edhe dyer të mbyllura dhe grupe njerëzish që do t’ua bëjnë rrugën vështirë të kalueshme. Mirëpo kjo është e bukura. Çdo sfidë e kaluar shndërrohet në mësimin e radhës.
Mblidhni vështirësitë dhe shndërrojini në forcë. Guxoni të ëndërroni dhe vraponi fuqishëm pas ëndrrës tuaj.
Dikur shpresoja që të mos jem e vetmja medaliste e artë e Kosovës. Nga Tokio u kthyem edhe me dy medalje të arta. Tani Kosova i ka tri. Nuk mund të isha më e lumtur e më krenare se kaq, meqë Nora e Distria u bënë të arta nga olimpiada e fundit.
Besoj fuqishëm që unë kam qenë vetëm e para e shumë medaljeve të arta që do të vijnë për Kosovën.
E juaja, Majlinda Kelmendi”, shkruan ajo.
