Kreu i Partisë Demokratike Lulzim Basha ka publikuar video nga takimi i sotëm me delegacionin e Senatit dhe Kongresit amerikan.
Përmes një postimi në Facebook, kryedemokrati shkruan se PD është mirënjohëse për mbështetjen e paçmueshme që SHBA i ka dhënë Shqipërisë.
Sipas tij Miqësia e veçantë që na bashkon është një shtysë për të punuar më fortë dhe më ngushtë për t’i dhënë Shqipërisë një të ardhme më të mire.
“Partia Demokratike është thellësisht mirënjohëse për mbështetjen e paçmueshme që Shtetet e Bashkuara të Amerikës i kanë dhënë Shqipërisë në momentet më kritike të historisë tonë. Miqësia e veçantë që na bashkon është një shtysë për të punuar më fortë dhe më ngushtë për t’i dhënë Shqipërisë një të ardhme më të mirë,” shkruan Basha.
