Ditën e sotme u njoftua se policia e Sarandës ka arrestuar një 34-vjeçar pasi ka goditur me sende të forta dhe grushta një person tjetër.
Personi i arrestuar është Saimir Murataj dhe vuan nga probleme të shëndetit mendor. Në videon e mëposhtme mund të shihet momenti kur ai sulmon një burrë në rrugë dhe e përplas pas murit.
34-vjeçari është dërguar në spital psikiatrik rreth një muaj më parë, por spitali i Vlorës nuk e ka pranuar. Banorët kanë treguar se ai qëllon njerëz në rrugë me sende të forta, po ashtu është shoqëruar edhe disa herë nga policia.
“Specialistët për Hetimin e Krimeve në Komisariatin e Policisë Sarandë arrestuan në flagrancë për veprat penale “Plagosja e lehtë me dashje” dhe “Prishja e qetësisë publike” shtetasin S. M., 34 vjeç, banues në Sarandë, pasi ka goditur me grushta dhe sende të forta shtetasin A. K., si dhe ka prishur qetësinë publike,” njofton policia.
