I mbijetuari i plagosjes me thikë në Elbasan mohon akuzat e të dashurës: S’e kam shfrytëzuar kurrë

Sherri mes të rinjve që përfundoi me vrasje në Elbasan tronditi opinionin publik.

Në emisionin “Me Zemër të Hapur”, Mikel Kovaçi vëllai i viktimës tregoi detaje të kësaj ngjarje të rëndë.

Në një lidhje të drejtpërdrejtë nga Spitali Ushtarak ku edhe po merr trajtim mjekësor, i riu tha se është në gjendje të mirë shëndetësore.

Ai tregoi se është takuar me vajzë pasi i ka shkruar 14-vjeçares në “Instagram” dhe ajo ka pranuar.

Më pas janë takuar për disa minuta, kur më pas ka ardhur edhe autori i kësaj ngjarje i cili e ka qëlluar me thikë, ndërsa tregon se është larguar me vrap  dhe se nuk ka parë më çfarë ka ndodhur më pas.

“Kam dalë nga shtëpia në orën 4, kam takuar babain kam marrë qesen me ushqime dhe kam ikur në shtëpi. I kam shkruajtur vajzës në Instagram për tu takuar dhe më tha mirë. Duke bërë muhabet vjen personi me kapuç dhe nuk e njoha. Ai nuk reagoi në fillim më qëlloi mua por ika me vrap dhe nuk e di çfarë ndodhi sepse ika.

Unë nuk kam qëndruar gjithë ditën me vajzën. Kam qëndruar me babain kam pirë kafe. Kam dalë ka mbarua punët e mia më pas kam takuar vajzën.

-Kishit thjesht shoqëri me vajzën?

Mikel Kovaçi: Jo.

E kishe të dashur?

Mikel Kovaçi: Po

Prej sa kohësh ishit bashkë?

Mikel Kovaçi: Prej një viti

E dije që ishte 14-vjeç dhe që është e ndaluar të shoqërohesh

Mikel Kovaçi: Po e dija

Si ka qenë njohja?

Mikel Kovaçi: Me anë të shoqërisë

Si ka qenë ky vit për ju?

Mikel Kovaçi: Nuk jam në gjendje të flas

Me vëllain, familjarë je takuar e dinin për lidhjen?

Mikel Kovaçi: Vëllai nuk e dinte, e ëma e dinte lidhjen

E ka miratuar lidhjen?

Mikel Kovaçi: Se di

Nga shtrati i spitalit të Traumës, ku ndodhet pasi u plagos me thikë, 19-vjeçari, ky i fundit pohoi se vëllain e saj nuk e njihte më herët. Madje ai pohoi se nuk kishte pasur marrëdhënie intime me të.

“Nuk është e vërtetë që kam shpërndarë lëndë narkotike. Se di ça ka thënë vajza, mbase nga frika për të shpëtuar vëllain e vetë. Jo se kam shfrytëzuar, jo! Nuk bëhet fjalë. Nuk është e vërtetë. Unë se dija që lidhja ime me të ishte problem për familjen. E takova te zona e quajtur ‘sporti’. Isha 10 minuta, po bënim muhabet shoqëror. Aty vjen i vëllai i asaj. Ai nuk foli fare, dhe më gjuajti direkt. Nuk pash më gjë mbrapa. Ma tha babai vdekjen e vëllait. Lidhja më kushtoi shumë, normale. Flisja me nënën e saj, shkoja mirë, nuk kisha probleme. Një ditë që kisha unë ditëlindjen, erdhi policia në 12 të natës dhe bashkë me nënën e saj kërkonin vajzën. Ajo nuk ishte te shtëpia ime.

Unë nuk e njihja fare vëllain e saj, as gjyshen e saj. Babain e kishte në burg jashtë dhe nënën e kishte në Greqi. Ajo shkonte dhe nga nëna e vetë. Takoheshim në kafe.”, -tha ai.