Një gjinekolog i njohur italian u thotë disa pacientëve se duke bërë dashuri me të zhduk rreziqet e virusit Papilloma (infeksion seksualisht i transmetueshëm) dhe kancerit për të përfituar prej tyre. Ky skandal u zbulua nga emisioni investigativ në Itali “Le Iene”, ku gjinekologu është filmuar brenda një dhome hoteli ku kërkonte të përfitonte duke krye marrëdhënie me një vajzë të re.
Në kamerën e fshehtë të emisionit, gjinekologu ‘diagnostikon infeksionin’ e një vajzës e cila ishte e shëndetshme dhe tregon se si shpëtoi disa gra dhe studentet e tij në të njëjtën mënyrë kur ishte profesor në universitet.
Në videon e bërë brenda një dhome hoteli, gjinekologu, pothuajse i zhveshur, duket së bashku me një gocë të re, që tenton ‘ta shpëtojë’ nga infeksionet dhe kanceri. Ndërkohë që në ato momente, në dhomë futet gazetarja e emisionit investigativ që e demaskon.
Pas denoncimit të këtij rasti ka nisur edhe një hetim nga Shoqata e Mjekëve në Itali por edhe hetim penal nga autoritetet.
