Kalon nga Gjykata e Lartë në Gjykatën e Posaçme të Apelit çështja ndaj ish-ministrit Saimir Tahiri

113 563 lexime

106,048FansaPëlqeje

Dosja ndaj ish-ministrit të Brendshëm Saimir Tahiri dhe ish-zyrtarit të lartë të policisë Jaeld Çela, është regjistruar në Gjykatën e Posaçme të Apelit. Dosja është dorëzuar nga Gjykata e Lartë, pas marrjes së vendimit për kthimin për rigjykim të çështjes me trupë tjetër gjykuese. Këtë të enjte prite që dosja të shortohet, ndërsa pasi të caktohen anëtarët që do shqyrtojnë çështjen do vendoset edhe për datën se kur do zhvillohet seanca e parë ndaj Tahirit.

Gjykata e Lartë mori më 28 shtator vendimin për të rikthyer çështjen për Tahirin në apelin e GJKKO me trupë tjetër gjykuese, duke rrëzuar kërkesën e SPAK për rigjykim në shkallë të parë.

Tahiri u dënua nga Krimet e Rënda për shpërdorim detyre me 3 vite shërbim prove, ndërsa Apeli i posaçëm e prishi vendimin dhe e ktheu për rigjykim në Shkallën e Parë. Më pas ish ministri bëri rekurs dhe dhoma e këshillimit e Gjykatës së Lartë e ka pranuar për ta gjykuar.

Tahiri u akuzua për tre vepra të rënda penale “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”, në kuadër të dosjes ‘Habilaj’. Akuza e argumentuar nga prokuroria ishte për përfshirjen e ish-ministrit në 4 episode trafikimi droge nga 2013-2015, por pa dhënë detaje për rolin konkret të tij.

Në vendimin e arsyetuar të Gjykatës, në analizë të të gjitha provave të paraqitura nga Prokuroria, nuk rezultonte asnjë fakt, që ta përfshijë ish-ministrin në trafikun e drogës dhe bashkëpunimin me grupin kriminal të Habilajve, kryetari i të cilëve është Mojsi Habilaj, i arrestuar dhe në gjykim në Itali. Po ashtu, thotë gjykata në arsyetimin e saj, pas përgjimeve edhe të prokurorisë italiane ku Habiljat diskutojnë për dhurata që do ja japin ministrit, çmohet fakti se nuk ka prova të mjaftueshme për t’i lidhur këto dhurata apo shuma monetare se do të shkonin tek Tahiri. Në bazë të këtyre fakteve gjykata vendosi dënimin me 3 vite shërbim prove.


Të fundit

Kalon nga Gjykata e Lartë në Gjykatën e Posaçme të Apelit çështja ndaj ish-ministrit Saimir Tahiri

Dosja ndaj ish-ministrit të Brendshëm Saimir Tahiri dhe ish-zyrtarit të lartë të policisë Jaeld Çela, është regjistruar në Gjykatën...

Rama: Nesër mbledhja e përbashkët e dy qeverive Shqipëri – Kosovë

Pritet të zhvillohet ditën e nesërme, mbledhja e përbashkët e dy qeverive Shqipëri – Kosovë. Lajmin e ka njoftuar kryeministri Edi Rama përmes një...

Rama: 1 miliard lekë më shumë subvencionim i qirasë për tërmetin

Qeveria do të të akordojë 1 miliard lekë më shumë subvencion të qirave për tërmetin në buxhetin e vitit 2022. Kështu bën me dije...

Shënime udhëtimi/ Në Apoloninë mitike të Ilirisë

Nga Leonard Veizi Ai është një vend mitik e plot ekspresion. Nëse do të kishin mundësi të flisnin muret dhe kolonat, me siguri do të...

Meta kundërshton Ramën në Prishtinë: “Ballkani i Hapur rrymë serbo-centriste”

Presidenti Ilir Meta zhvilloi dje një vizitë në Kosovë ku kundërshtoi nismën “Ballkani i Hapur”, që është mbështetur nga kryeministri Edi Rama. Konfliktet politike...

Lajme të tjera

Web TV