Një ngjarje tragjike është shënuar në orët e mbrëmjes në qytetin e Gjirokastrës pasi një vajzë e mitur ka humbur jetën si pasojë e zjarrit në banesë.
Ndërkohë mësohet se ka mbetur i plagosur edhe babi i 12-vjeçares. Ngjarja e rëndë ka ndodhur në fshatin Derviçan.
E mitura e cila ka humbur jetën është Krisanthi Ndrico, ndërsa babi i cili ndodhet në spital është Irakli Ndrico.
12-vjeçarja ndodhej brenda banesës në momentin kur ra zjarri, ndërsa dyshohet se ajo ishte me autizëm. Dyshohet se shkak i zjarrit janë bërë pajisjet për ngrohje.
Policia dhe zjarrfikësja kanë shkuar me urgjencë në vendin e ngjarjes.
