Bayern e ka patur shumë të thjeshtë ndeshjen e sotme ndaj Barcelonës, duke e mposhtur 3-0 dhe duke e dërguar kështu në Europa League.
Pjesa e parë ka nisur me një kontroll nga ana e gjermanëve. Në minutën e 34’ Muller ka dërguar topin në rrjetë duke zhbllokuar sfidën. Nuk kalojnë shumë minuta dhe Leroy Sane ka shënuar një gol fantastik në minutën e 43-të.
Pjesa e dytë ka qënë pothuajse e njëjta me të parën ku Bayern në minutën e 62-të ka trefishuar rezultatin me anë të djaloshit Musiala. Barcelona e mbyll këtu aventurën e Champions League dhe do e vazhdojë në Europa League.
Benfica ka arritur të fitojë në Portugali ndaj Dinamo Kievit dhe ka zënë vendin e dytë në grup duke siguruar kualifikim për fazën tjetër të Champions League.
Man United nuk ka shkuar më shumë se barazimi 1-1 në Old Trafford ndaj Young Boys në ndeshjen e fundit të fazës së grupeve të Champions League. Skuadra e Ragnick kaloi e para në epërsi me antë të Greenwood në minutën e 9, ndërsa miqtë barazuan Rieder në minutën e 42′. Ndërkohë, Man United e mbyll si e para Grupin F me 11 pikë.
Chelsea gaboi në ndeshjen e fundit dhe i la vendin e parë Juventusit në Grupin H. Londinezët barazuan 3-3 në transfertë ndaj Zenit, ndërsa italianët fituan 1-0 ndaj Malmos në Torino. Rezultati mbyll këtë grup me bardhezinjtë në krye me 15 pikë, 13 Chelsea në vendin e dytë, ndërsa Zenit me 5 pikë vazhdon në Europa League dhe Malmo eleminohet përfundimisht.
Claudinho në minutën e 38 dhe më pas Azmoun mbyllën pjesën e parë 2-1 për rusët. Në të dytën barazoi 2-2 Lukaku, sulmuesi më i shtrenjtë në historinë e Chelsea-t, që prej largimit nga Interi nuk po gjen shumë hapësira në Londër. Werner në minutën e 85 kaloi sërish Chelsea-n në avantazh, por në minutën e katërt shtesë, Ozdoev vulosi ndeshjen në 3-3.
Në Torino, Juventusi fitoi falë një goli të shënuar nga Kean që në pjesën e parë të takimit.
