Universiteti Mesdhetar i Shqipërisë vlerëson me titullin “Honoris Causa”, Presidentin e Kroacisë (2010-2015) Prof. Dr. Ivo Josipovic.

113 563 lexime

124,178FansaPëlqeje

Universiteti Medhetar i Shqipërisë i akordoi sot titullin “Honors Causa”, Prof.Dr. Ivo Josipovic, Presidentit të Kroacisë (2010-2015), një personaliteti shumë dimensional me kontribute të mëdha në politikë, jurisprudence, muzikë.

Themeluesi i Universitetit Mesdhetar i Shqipërisë, Akademik Prof. Dr. Anastas Angjeli, njëkohësisht edhe rekomandues i tituullit vlerësoi figurën e ish presidentit të Kroacisë. “Ivo Josipović është shembulli më i mirë i intelektualit, artistit dhe njeriut politik të angazhuar. Një intelektual, i cili nuk e konsideron veten si të shkëputur nga komuniteti por pjesë integrale e tij. Një artist, i cili nuk i shikon të tjerët nga maja në të cilën gjendet por i ndihmon ata të ngjiten vetë me mundin e tyre drejt majave. Një politikan, i cili mision të jetës së tij ka shërbimin ndaj njerëzve të thjeshtë duke qëndruar besnik ndaj parimeve të tij”, u shpreh Angjeli. Ai shtoi se z. Ivo Josipovic ka qenë gjithmonë një figure politike e moderuar në një ambjent politik gati gati toksik si ky i rajonit tonë ku toleranca, repsektimi i mendimit ndryshe, mos stereotipizimi negativ i “TJETRIT” jo gjithmonë konsiderohen rezultative.” E megjithatë Ivo, gjatë gjithë veprimtarisë së tij politike, i ka qëndruar besnik këtyre vlerave duke demonstruar se në politikë mund të jesh i suksesshëm edhe duke zgjedhur rrugën më të vështirë. Atë të ndershmërisë, të integritetit dhe të modestisë”, tha Angjeli.

Në ceremoninë e zhvilluar morën pjesë dy ish-Presidentët e Republikës së Shqipërisë, Z.Alfred Moisiu e Z.Bujar Nishani, Presdidenti Aktual i Republikës së Shqipërisë Z. Ilir Meta, ish-Kryetari i Kuvendit, Gramoz Ruci, Kreu i Akademisë së Shkencave, Skënder Gjinushi si dhe Politikanë të njohur: Mimi Kodheli e Damian Gjiknuri dhe ambasadorë. Ceremoninë e hapi Rektori i Universitetit Mesdhetar të Shqipërisë, Adrian Civici,i cili theksoi se në kohën kur ishte në krye të shtetit, Presidenti kroat, ka insistuar vazhdimisht për temën e pajtimit dhe bashkëpunimit në vendet e Ballkanit perëndimor. Vlerësime për kontributin në politikë, por edhe në art e mësimdhënie ish presidenti i Kroacisë, mori edhe nga Prof. Dr, Vasil Tole, Anëtar i Akademisë së Shkencave. Ivo Josipovic u diplomua në Universitetin e Zagrebit për Shkenca Juridike dhe kreu studime në Max-Planck Institute në Freiburg dhe Hamburg, Institutin e Shkencave të Kriminologjisë ne Graz, në Yale University etj. Ai vazhdon të kontribuojë në Universitetin e Zagrebit, si Profesor i Procedurës Penale dhe i së Drejtës Penale Ndërkombëtare. Gjatë karrierës së tij të gjatë akademike, e cila vazhdon akoma, ka botuar një sërë librash dhe artikujsh shkencorë brenda dhe jashtë vendit të tij. Ka lektoruar në shumë Universitete prestigjoze si Universiteti i Grazit dhe Universiteti i Vjenës në Austri, Yale University në Shtetet e Bashkuara, Universiteti i Romës në Itali, Universiteti i Beogradit në Serbi, London School of Economics në Mbretërinë e Bashkuar.

Lexo edhe :  Belinda Balluku: Mandati i 12 në Fier ishte surprizë, PD nuk i njeh zgjedhjet

Të fundit

Përplasen dy helikopterë, humbin jetën të gjithë personat që ndodheshin në to

Dy helikopterë privatë janë përplasur në Finlandë, duke lënë pas viktima. Të pesë pasagjerët e helikopterëve që u përplasën në...

Greqia padit Adidas për reklamën me Akropolin, shkelje e trashëgimisë kulturore

Autoritetet greke kanë nisur veprime ligjore pasi pamjet e një reklame të re të Adidas, ku Akropoli i shekullit të V p.e.s. shfaqet si...

Shqipëria në finalen e Eurovision/ Votoni ‘Zjerrm’, le ta çojmë atje ku e meriton

Nata finale e Eurovision, ku Shqipëria përfaqësohet me Shkodrën Elektronike dhe hitin ‘Zjerrm’ po përcjell emocione të veçanta në botën mbarëshqiptare. Ministri i Ekonomisë, Kulturës dhe...

Opozita kontenstoi votat/ Celibashi nxjerrë blof Berishën: PD nuk ka sjellë asnjë provë

Kryekomisioneri Ilirjan Celibashi deklaroi se Partia Demokratike nuk ka paraqitur asnjë provë për të mbështetur pretendimet e saj mbi manipulimin e votave të ardhura...

Modë, muzikë dhe turizëm/ Vlora çel sezonin turistik me mbrëmje festive

Në një skenë gjigande të ndërtuar në shëtitoren Lungomare, pranë "Ujit të Ftohtë" Vlora çeli zyrtarisht mbrëmjen e sotme sezonin turistik. Çelja e sezonit u...

Lajme të tjera

Web TV